Маълумотларга кўра, жорий йил 21 июль куни соат тахминан 01:30 ларда Юнусобод тумани 9-мавзесида жойлашган кўп қаватли уйларнинг бирида яшовчи, 2002 йилда туғилган фуқаро Т.Р. 9-қаватдаги деразадан ўзини ташлаган. У кириш йўлагининг том қисмига урилган ҳолда ерга тушган.
Оғир жароҳат олган фуқаро «бош мия ёпиқ жароҳати, бош мия чайқалиши, чап ўмров ва ўнг кўкрак суякларининг синиши, биринчи бел умуртқасининг 2-3 даражали компрессион синиши, 2-даражали травматик шок» ташхислари билан шифохонага олиб кетилган. Ҳозирда у шифокорлар назоратида қолмоқда.
Ўрганишлар давомида маълум бўлишича, Т.Р. 2024 йил охиридан буён руҳий саломатлиги билан боғлиқ муаммоларни бошдан кечирган ва шу сабабли психолог-шифокорлар кўригидан ўтказилган.
Айни пайтда мазкур ҳолат юзасидан Юнусобод тумани Ички ишлар органлари томонидан терговга қадар текширув олиб борилмоқда. Текширув натижаларига кўра қонуний қарор қабул қилиниши таъминланади.
