Oʻzbekiston Respublikasi aholisi uchun aviaparvozlar imkoniyatini oshirish maqsadida, Uzbekistan Airways iqtisodiy klass tariflar tizimini toʻliq yangiladi.
Oʻzbekiston aholisi uchun aviaqatnovlarni yanada qulayroq qilish maqsadida Uzbekistan Airways mahalliy parvozlardagi ekonom-klass tariflari tarkibini yangiladi.
Bu haqda kompaniya matbuot xizmati xabar bermoqda.
Qayd etilishicha, endi avvalgi 10 ta tarif turi oʻrniga 4 ta soddalashtirilgan tarifdan iborat tizim joriy etildi, bu esa quyidagilarni taʼminlaydi:
- narx boʻyicha tarif tanlash tushunarliroq boʻladi;
- minimal tariflar boʻyicha oʻrinlar soni oshiriladi;
- koʻproq yoʻlovchilar uchun arzon reyslar imkonini beradi;
- (toʻrtta tarifning har biri qaytarish imkoni bilan — yukli va qaytarib boʻlmaydigan — yuksiz variantlarda taqdim etiladi)
Yangi tariflar quyidagi yoʻnalishlarda qoʻllanadi:
- Toshkent — Samarqand: 249 ming soʻmdan;
- Toshkent — Namangan: 249 ming soʻmdan;
- Toshkent — Fargʻona: 249 ming soʻmdan;
- Toshkent — Buxoro 293 ming soʻmdan;
- Toshkent — Qarshi: 278 ming soʻmdan;
- Toshkent — Termiz: 424 ming soʻmdan;
- Toshkent — Urganch: 512 ming soʻmdan;
- Toshkent — Nukus: 512 ming soʻmdan;
- Buxoro — Urganch: 336 ming soʻmdan.
Narx bir yoʻnalish uchun koʻrsatilgan boʻlib, qaytish yoʻnalishida ham xuddi shunday narx belgilangan. U chet el valyutasiga bogʻliq va hozirgi vaqtdagi tarifni aks ettiradi.
