Өзбекстан халқы ушын авиақатнаўларды және де қолайластырыў мақсетинде Uzbekistan Airways жергиликли рейслердеги эконом-класс тарифлери қурамын жаңалады.
Бул ҳаққында компания баспасөз хызмети хабар бермекте.
Атап өтилиўинше, енди алдынғы 10 тариф түри орнына 4 әпиўайыластырылған тарифтен ибарат система енгизилди, бул болса төмендегилерди тәмийинлейди:
баҳа бойынша тариф таңлаў түсиникли болады;
минимал тарифлер бойынша орынлар саны арттырылады;
көбирек жолаўшылар ушын арзан рейслер имканиятын береди;
(төрт тарифтиң ҳәр бири қайтарыў имканияты менен - жүкли ҳәм қайтарылмайтуғын - жүксиз вариантларда усынылады)
Жаңа тарифлер төмендеги бағдарларда қолланылады:
Ташкент - Самарқанд: 249 мың сумнан;
Ташкент - Наманган: 249 мың сумнан;
Ташкент - Ферғана: 249 мың сумнан;
Ташкент - Бухара 293 мың сумнан;
Ташкент - Қаршы: 278 мың сумнан;
Ташкент - Термиз: 424 мың сумнан;
Ташкент - Үргенш: 512 мың сумнан;
Ташкент - Нөкис: 512 мың сумнан;
Бухара - Үргениш: 336 мың сумнан.
Баҳа бир жөнелис ушын көрсетилген болып, қайтыў жөнелисинде де тап сондай баҳа белгиленген. Ол шет ел валютасына байланыслы ҳәм ҳәзирги ўақыттағы тарифти сәўлелендиреди.
