Анор етиштиришда янги ёндашув: шифобахш меванинг ин-витро микроклонал кўпайтириш технологияси
Қадимий афсоналарда анор ҳукмронлик, куч-қудрат, меҳр ва садоқат рамзи саналиш билан бир қаторда кўплаб шифобахш хусусиятларни ҳам ўзида мужассам этади. Биргина мисол, анор магний, кальций, калий, фосфор, натрий, йод, А, В, С, Е витаминларига бой бўлиб, организмнинг иммун тизимини мустаҳкамлашга хизмат қилади. Қолаверса, унинг қишлоқ хўжалиги, тиббиёт, фармацевтика, озиқ-овқат саноати ҳамда бошқа ишлаб чиқариш соҳалардаги аҳамияти катта.
