Пәрман менен тийкарғы мақсетлер етип төмендегилер белгиленди:
майыплығы болған шахслардың нәтийжели жумыс ислеўи ушын арнаўлы хызметлер системасын енгизиў;
майыплығы болған жасларды заманагөй кәсиплерге оқытыў, олардың мийнет базарына кириўи ушын қосымша имканиятлар жаратыў;
2025-жылдың ақырына шекем 80 мың майыплығы болған шахстың турақлы бәнтлигин ҳәм мүнәсип дәрамат табыўын тәмийинлеў.
2025-жыл 1-июньнан баслап:
I ҳәм II топар майыплығы болған шахсларды жумысқа қабыл еткен исбилерменлик субектлерине 50 миллион сумға шекем субсидия ажыратылады;
субсидия сурдоаўдармашы, психолог ҳәм жолдаслық хызметин шөлкемлестириў қәрежетлерин қаплаў ушын ажыратылады;
физикалық тәреплерге жолдаслық хызметин өзин-өзи бәнт еткен шахс сыпатында көрсетиўге рухсат бериледи.
Сондай-ақ, "Бирден-бир миллий социаллық қорғаў" мәлимлеме системасында Мийнетке жарамлы майыплығы болған шахслардың электрон реестри жүргизиледи.
