Олий Мажлис Нызамшылық палатасының гезектеги мәжилиси болып өтти. Онда депутатлар Министрлер Кабинетиниң "Өзбекстан - 2030" стратегиясын "Жаслар ҳәм бизнести қоллап-қуўатлаў жылы"нда әмелге асырыўға байланыслы Мәмлекетлик бағдарламаның 2024-жыл жуўмақлары орынланыўы бойынша есабатын көрип шықты.
Сенаттың Бюджет ҳәм экономикалық мәселелер комитетиниң мәжилисинде "Өзбекстан-2030" стратегиясын "Қоршаған орталықты қорғаў ҳәм "жасыл экономика" жылында әмелге асырыўға байланыслы мәмлекетлик бағдарламаның жойбары қызғын додаланды.
Сенаттың Илим, билимлендириў ҳәм денсаўлықты сақлаў мәселелери және Халықаралық қатнасықлар, сыртқы экономикалық байланыслар, сырт ел инвестициялары ҳәм туризм мәселелери комитетлериниң қоспа мәжилисинде "Өзбекстан-2030" стратегиясын "Қоршаған орталықты қорғаў ҳәм "жасыл экономика" жылында әмелге асырыўға байланыслы мәмлекетлик бағдарлама додаланды.
Сондай-ақ, 2025-жыл 1-декабрьге шекем Өзбекстан Республикасында "жасыл қаржыландырыў" системасын қәлиплестириў бойынша миллий бағдарлама ислеп шығылады.
2025-жыл 1-сентябрьден баслап исбилерменлик субъектлерин "жасыл исбилермен" сыпатында тән алыўға қаратылған платформа иске қосылыўы нәзерде тутылмақта.
Бул бойынша нызам жойбары ислеп шығылады.
Самарқанд ҳәм Жиззақ ўәлаятының алыс ҳәм шетки аймақларында жайласқан мектеп оқыўшылары ушын бийпул автобус қатнаўы жолға қойылады.
Егер шаңарақтың барлық ағзалары "экобелсенди пуқара" статусын алса, бул шаңараққа "Жасыл шаңарақ" статусы бериледи ҳәм ҳәр жылы лотерея арқалы анықланған шаңарақларға электромобил саўға етиледи.
2025-жыл 1-июльге шекем Санитариялық-эпидемиологиялық тынышлық ҳәм жәмийет саламатлығы комитетиниң лабораторияларын азық-аўқат өнимлери қурамындағы трансмайларды анықлаў ушын зәрүр үскенелер менен тәмийинлеў илажлары көриледи.
Усы жылы шыпакер қабыллаўына гезекти толық электрон түрге өткериў, басланғыш буўындағы стоматология хызметин аутсорсинг тийкарында жеке меншик секторға бериў режелестирилген.
