“Энажон” қўшиғини куйлаган хонанда жаримага тортилди

Шоир Б.Мухамедходжаев муаллифлик ҳуқуқлари бузилгани ва қонунбузарга чора кўришни сўраб Адлия вазирлигига мурожаат қилган.

Аниқланишича, фуқаро Ж.Р. муаллиф Б.Мухамедходжаевнинг “Энажон” номли шеъридан ҳуқуқ эгасининг рухсатисиз ҳамда тегишли тартибда шартнома тузмасдан фойдаланган ҳолда қўшиқ ижро этган ҳамда YouTube платформаси орқали тарқатган.

Ҳолат юзасидан фуқаро Ж.Р.га нисбатан Маъмурий жавобгарлик тўғрисидаги кодекснинг 177¹-моддаси билан маъмурий ҳуқуқбузарлик тўғрисидаги баённома расмийлаштирилиб, жавобгарлик масаласини кўриб чиқиш учун судга юборилган ва у суд қарорига асосан жаримага тортилган.

Бироқ хонанда жарима билангина қутилиб қолмайди. Энди шоир суд орқали Ж.Р.дан товон пули ундириши мумкин. Шоир ҳуқуқбузардан БҲМнинг 20 бараваридан 1000 бараваригача (6 600 минг сўмдан 330 млн сўмгача) товон пули талаб қилиш ҳуқуқига эга.

Қидирув тизимларига “Энажон” қўшиғи деб қидирув берилганида, хонанда Жаноб Расул ижросидаги қўшиқ чиқмоқда. Шунингдек, Интеллектуал мулк департаменти хабарида тилга олинган хонанданинг исм-фамилияси бош ҳарфлари ҳам — Ж.Р. Бу ҳақида Интеллектуал мулк департаменти хабар бермоқда.

Ҳожибой Тожибоевнинг асарларидан ноқонуний фойдаланишга чек қўйилди

Эндиликда унинг асарларидан мутлақ фойдаланиш ҳуқуқи «Миллий ТВ» телеканали ва «Ориат Доно» радиоси томонидан лицензия асосида амалга ошириладиган бўлди.

Хожибой Тожибоевнинг қизи отасининг муаллифлик ҳуқуқларини ҳимоя қилди

Ўзбекистонда ва Тожикистонда хизмат кўрсатган артист, сўз устаси марҳум Хожибой Тоджибоев муаллифлик ҳуқуқларини ҳимоя қилиш мақсадида унинг вориси Интизор Тоджибоева мулкий ҳуқуқларни жамоавий асосда бошқарувчи ташкилот орқали Адлия вазирлигига мурожаат қилган.

Муаллифлик ҳуқуқини бузганга қандай жазо қўлланади?

Инсоннинг ақлий ва жисмоний фаолияти маҳсули, жумладан, ижод намуналари, ихтиро ва кашфиётлари, турли ишланмалари — унинг шахсий, дахлсиз интеллектуал мулки. Шунинг учун ундан мулк эгасининг рухсатисиз фойдаланишга ҳеч ким ҳақли эмас. Бу ҳамма жойда, жумладан, юртимизда ҳам қонун билан ҳимоя қилинади.

Хонанда шоирга 30 млн сўм товон пули тўлайди

Хонанда А.Шерматов томонидан ҳеч қандай рухсатсиз шоирга тегишли “Кутмаган кунларим, кутган кунларим” номли тўпламидаги “Балосиз — гўёки ғамимни ейсиз”, деб бошланувчи “Айёр дўстларим” шеъридан фойдаланиб қўшиқ қилган.

Хонанда Миродил Ҳакимов муаллифлик ҳуқуқини бузгани учун жарима тўлайди

Хонанда Миродил Ҳакимов “Уйланамиз” қўшиғи учун шеър муаллифи Эркин Дорипов билан ҳеч қандай шартнома тузмасдан ҳуқуқ эгасининг рухсатисиз фойдалангани боис жаримага тортилгани ҳақида хабар берилган эди.

“Энажон” қўшиғини куйлаган хонанда жаримага тортилди

Ҳожибой Тожибоевнинг асарларидан ноқонуний фойдаланишга чек қўйилди

Хожибой Тожибоевнинг қизи отасининг муаллифлик ҳуқуқларини ҳимоя қилди