Шу йилнинг 5 январь куни соат 13:58 да Тошкент шаҳар, Яшнобод тумани, Бойқўрғон маҳалласидаги уйларнинг бирида фуқаро ўз эҳтиётсизлиги оқибатида ҳожатхона учун қазилган 10 метрлик чуқурликка тушиб кетган.
Фавқулодда вазиятлар вазирлигининг хабар беришича, ФВВ қутқарувчилари томонидан чуқурликка тушиб кетган фуқаро чуқурликдан чиқариб олиниб, биринчи ёрдам кўрсатилган.
Шунингдек фуқарога малакали тиббий ёрдам кўрсатиш мақсадида тез тиббий ёрдам ходимларига топширилган.
Фуқаро енгил тан жароҳат олган бўлиб, ҳозирда шифокорлар назорати остида. Унинг аҳволи яхши.
Аввал хабар берганимиздек, жорий йилнинг 2 декабрь куни Сирдарё вилояти Гулистон шаҳридаги “Uz Bek Family” МЧЖга қарашли овқатланиш шохобчасида газ ва ҳаво аралашмасининг чақнаши туфайли ёнғин юз берганди.
