Фавқулодда вазиятлар вазирлигининг хабар беришича, Тошкент вилояти ФВБга Бўстонлиқ тумани “Чимён“ маҳалла ҳудудидаги “Чимён“ тоғига бир нафар фуқаро сайр қилиш мақсадида бориб, йўлдан адашиб қолиши натижасида тоғдан тушолмай қолганлиги ҳақида хабар келиб тушган.

Хабарга асосан, Чимён ёнғин-қутқарув отряди айтилган манзилга етиб борган ва фуқаро тоғдан хавфсиз ҳудудга олиб тушилган. Тан жароҳати олганлар йўқ.