Шу йилнинг 28 сентябридан бери Ўзбекистон Республикаси Бош давлат санитария врачи ва миллий техник иммунологик эксперт комиссиясининг қарорига асосан, юртимизда ота-оналар ва васийларининг розилиги асосида, ихтиёрий равишда 12 ёшдан катта болаларни Pfizer вакцинаси билан эмлаш олиб борилмоқда.
27 октябрь ҳолатига кўра, юртимизда 176 791 нафар 12 ёшдан 18 ёшгача бўлган болалар Pfizer вакцинаси билан ихтиёрий равишда эмланди.
Хусусан, болаларни коронавирусга қарши эмлаш жараёни Фарғона (37 395 доза), Наманган (34 479 доза), Андижон (22 502 доза) вилоятларида юқори экани аҳамиятли.
Мутахассислар хулосасига кўра, ОИВ, безгак ва туберкулёзга қарши янада самарали эмдорилар яратиш бўйича изланишларни давом эттириш керак. Чунки худди шу хасталиклар туфайли йилига 2,5 миллион киши ҳаётдан кўз юммоқда.
Юртимизда Миллий профилактик эмлаш календари жорий этилган. Унга кўра, бугунги кунда болалар 13 турдаги юқумли касалликлар — вирусли гепатит В, сил, полиомиелит, ротавирус инфекция, бўғма, қоқшол, кўкйўтал, Хиб инфекция, қизамиқ, эпидпаротит, қизилча, пневмококк инфекция, ВПЧ-одам папиллома вирусларига қарши режали тарзда эмланади.
Коронавирусга қарши эмлаш режалаштирилган аҳолининг 83,3 фоизи тўлиқ вакцинация билан қамраб олинди. Бустер доза билан эмлаш қамрови 81,4 фоизга етказилди. Грипп касаллигига қарши эса 2,3 млн нафар аҳоли эмланди.
Бугун юртимизда коронавирус инфекцияси билан боғлиқ вазият барқарор. Бироқ Шимолий ва Жанубий Америка, Европа ва Шарқий Осиё минтақаларида жойлашган қатор мамлакатлардаги эпидемиологик ҳолат ҳануз мураккаблигича қолмоқда.
