4 та вилоятда кучли таъсир қилувчи дори воситалари савдоси фош этилди

Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.

Бош прокуратура ҳузуридаги Департаментнинг Бувайда тумани бўлими томонидан ўтказилган тезкор тадбирда қонунга хилоф равишда дори воситалари савдоси билан шуғулланиб келган фуқаро М.Х. инсон руҳиятига кучли таъсир қилувчи 6 дона “Тропикамид” ва 14 дона “Прегабалин” номли дори воситаларини фуқаро А.А.га 2 млн сўмга сотган вақтида ашёвий далиллар билан ушланган.

Шунингдек, Департаментнинг Урганч шаҳар бўлими томонидан ўтказилган тезкор тадбирда фуқаро Ж.М. фуқаро М.Х.га 468 та капсула кучли таъсир қилувчи дори воситаларини 1,5 млн сўмга сотган вақтида ашёвий далиллар билан ушланган.

Департаментнинг Олтинсой туман бўлими ва ИИБ ходимлари ҳамкорлигида ўтказилган тезкор тадбирда “Х.-Н.” хусусий корхонасига қарашли дорихона сотувчиси Х.М. харидорга кирим ҳужжатлари бўлмаган 250 дона “BENZONAL” номли кучли таъсир қилувчи дори воситасини 750 минг сўмга сотган вақтида ашёвий далиллар билан ушланган.

Шу каби, Департаментнинг Шайхонтоҳур тумани бўлими, ДХХ ва ИИВ ходимлари ҳамкорлигида ўтказилган тезкор тадбирда “G.P.“ МЧЖга қарашли дорихона сотувчиси М.С. харидорга шифокор рецептисиз таркибида кучли таъсир қилувчи моддаси бўлган 3 қути “BENZONAL” номли дори воситасини сотган вақтида ушланиб, ушбу дорихонадан 170 дона дори воситаси ашёвий далил сифатида олинган.

Ҳозирда мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

“Зомин тоғлари” ЮНEСКО Бутунжаҳон миллий табиий мероси рўйхатига тақдим этилди

“Зомин тоғлари” миллий табиий мерос объекти дастлабки номзодномаси ЮНEСКО ишлари бўйича Ўзбекистон Миллий комиссияси томонидан ЮНEСКОнинг Бутунжаҳон мероси марказига юборилди. ЮНEСКО мезонларига мувофиқ қабул қилинган номзодномалар икки йил ичида кўриб чиқилади.

Айрим ёғ-мой ишлаб чиқарувчи корхоналар белгиланган талабларга номувофиқ маҳсулот ишлаб чи...

Ёғ-мой ишлаб чиқарадиган корхоналарда “Ўзёғмойсаноат” уюшмаси, Ўзбекистон техник жиҳатдан тартибга солиш агентлиги, Санитария-эпидемиологик осойишталик ва жамоат саломатлиги хизмати мутахассислари билан ҳамкорликда ёғ-мой ишлаб чиқаришдаги талаблар бўйича назорат тадбирлари ўтказиб келинмоқда.

Фарғонада истеъмолга яроқсиз алкоголь маҳсулотларини сотаётган савдо дўкони фош бўлди

Бош прокуратура ҳузуридаги Департаментнинг Бешариқ тумани бўлими ва солиқ инспекцияси ходимлари ҳамкорлигида ўтказилган тезкор тадбирда Фарғона вилояти Бешариқ туманидаги савдо дўконида истеъмолга яроқсиз алкоголь маҳсулотларини сотилаётганлиги аниқланди.

Янгийўлда 4 ёшли қизга зўрлик ишлатган эркак руҳий хаста бўлгани аниқланди

Маълумотларга кўра, айбланувчи шахс Б.Д. 2021 йилдан буён руҳий касалликлар шифохонасида рўйхатда туради. Ҳозирда жиноят иши бўйича дастлабки тергов ҳаракатлари олиб борилмоқда

Қасим-Жомарт Тоқаев АЭС қурилиши ҳақида: Қозоғистон жаҳон тараққиётидан четда қолмаслиги к...

Қозоғистон Президенти Қасим-Жомарт Тоқаев АЭС қурилиши бўйича бўлиб ўтадиган референдумни мамлакат мустақиллиги тарихидаги энг муҳим воқеалардан бири деб атади.

3837 нафар шахс коррупцияга оид жиноят содир этгани учун жиноий жавобгарликка тортилган

Коррупцияга қарши курашиш агентлиги томонидан Олий суд тақдим этган маълумотлар асосида 2024 йилнинг 1-ярим йиллигидаги коррупцияга оид жиноятчилик таҳлил қилинди.