Тадбирда «Рақамли Ўзбекистон-2030» стратегияси доирасида амалга оширилиши режалаштирилаётган ишлар, рақамлаштиришнинг бугунги кундаги муҳим йўналишлари ҳақида сўз юритилди.
Форум давомида Марказий банк ва Andersеn халқаро IT-компанияси ўртасида англашув меморандуми имзоланди. Мазкур меморандум асосида Марказий банк, тижорат банклари, нобанк молия ташкилотлари ва молия бозорининг бошқа иштирокчилари учун API яратиш ва қўллаб-қувватлаш, янги илова ва платформаларни ишлаб чиқиш ҳамда мавжудларини оптималлаштириш, киберхавфсизликни таъминлаш учун маҳсулотлар таклиф қилиш ва бошқа қатор хизматлар кўрсатилади, деб хабар беради Марказий банк матбуот хизмати.
