Энди савдо сулҳининг шартларини икки давлат раҳбарлари Дональд Трамп ва Си Цзиньпин баҳолаши керак. Ўтган сафар томонлар тарифларни ўзаро пасайтиришга келишиб олишди, бироқ тез орада бир-бирларини қонунбузарликда айблашди ва АҚШ молия вазири Скотт Бессент музокаралар боши берк кўчага кириб қолганини тан олди.
Бу сафар АҚШ савдо вазири Говард Лютник Пекин нодир ер металларини етказиб беришни тезлаштириш мажбуриятини олганини ва Вашингтон экспорт назоратини юмшатишини айтди. Гап дунёдаги энг йирик иқтисодиётлар ўртасидаги ўзаро савдодаги энг қийин иккита масала бўйича силжишга эришилгани ҳақида бормоқда.
Музокаралар икки кун давом этди, ҳозирча янги учрашувлар режалаштирилмаган. Энди томонларга кейинги натижага эришиш ва имзолаш учун ҳужжат ишлаб чиқиш учун 60 кун вақт бор.
Хитой вакили Ли Чэнган томонлар “профессионал, оқилона, чуқур ва самимий” фикр алмашишганини тасдиқлади. Унинг фикрича, эришилган ютуқлар ишончни мустаҳкамлашга, мамлакатлар ўртасидаги иқтисодий ва савдо алоқаларининг барқарор ва соғлом ривожланишига ёрдам беради.
Лондондаги учрашув Трамп маъмурияти ташаббуси билан ўтказилди. АҚШ Президенти Си Цзиньпин билан телефон орқали мулоқот қилгач, Лондонга делегация юборди, деб хабар беради lenta.ru.
