АТ «Халқ банки» танловларида ўзаро аффилланган шахслар иштирок этганлиги аниқланди

Ўрганиш натижасида танловларда иштирок этган тадбиркорлик субъектлари — ғолибликни қўлга киритган «Чинор» хусусий корхонаси ва «Тошкент-Термиз-Қурилиш» МЧЖ ҳақиқатан ҳам ўзаро аффилланган шахсларга тегишли экани ўз тасдиғини топган.

Мазкур давлат харидлари «Давлат харидлари тўғрисида»ги ва «Рақобат тўғрисида»ги қонунлар талабларига зид равишда ўтказилган.

"Агентлик томонидан юқоридаги қонунбузилиши ҳолатларини бартараф этиш ва келгусида олдини олиш юзасидан Ўзбекистон Республикаси Марказий банкига тақдимнома киритилди", — дейилади Коррупцияга қарши курашиш агентлиги матбуот котиби хабарида.

Давлат харидлари тўғрисидаги қонунчилик бузилишига йўл қўйган шахсларни тегишли жавобгарликка тортиш мақсадида тўпланган ҳужжатлар ҳуқуқни муҳофаза қилувчи органга юборилди.

Коррупцияга қарши курашиш агентлиги ОАВда эълон қилинган АТ «Халқ банки» томонидан ўтказилган танловларда ўзаро аффилланган шахсларга тегишли тадбиркорлик субъектлари иштирок этганига оид материаллар ўрганиб чиқилганини маълум қилди.

7 млрд сўмлик 21 та давлат хариди қонунчиликка зид тарзда ўтказилишининг олди олинди

Коррупцияга қарши курашиш агентлиги томонидан жорий йилнинг ноябрь декабрь ойларида давлат буюртмачилари томонидан 7 млрд сўмлик 21 та давлат харидида қонунбузилиши ҳолатларига йўл қўйилганлиги аниқланди.

8,1 млрд сўмлик 24 та давлат хариди қонунчиликка зид тарзда ўтказилишининг олди олинди

Коррупцияга қарши курашиш агентлиги томонидан жорий йилнинг сентябрь октябрь ойларида давлат буюртмачилари томонидан қарийб 8,1 млрд сўмлик 24 та давлат харидида соҳага оид қонунчиликка зид ҳолатлар аниқланди.

АТ «Халқ банки» танловларида ўзаро аффилланган шахслар иштирок этганлиги аниқланди