Очилиш маросимида вилоят ва туман ҳокимлиги, олий таълим ва маданият соҳаси вакиллари, олимнинг шогирдлари, педагоглар ҳамда маҳалла фаоллари иштирок этдилар.
Академик Назар Тўраев 1938 йилда Денов туманида туғилган. У 60 йиллик илмий фаолияти давомида кўплаб нуфузли илмий ва раҳбарлик лавозимларида самарали меҳнат қилган. Жумладан, Термиз давлат университети ректори, Фанлар академияси ҳузуридаги «ФАНУМ» илмий-ўқув маркази директори лавозимларида фаолият юритган. 1990–1995 йилларда эса Ўзбекистон Республикаси Олий Кенгаши депутати сифатида ишлаган.
Уй музейининг ташкил этилиши – ёш авлодда илм-фанга бўлган қизиқишни ошириш, миллий ғурур ва қадриятларни мустаҳкамлаш йўлида муҳим қадамлардан бири ҳисобланади.
