Камбағалликни қисқартириш ва бандлик вазирлиги томонидан Ўзбекистон Республикаси Президентининг «Янги йил байрамини нишонлаш даврида қўшимча ишланмайдиган кунни белгилаш ва дам олиш кунини кўчириш тўғрисида» 2024 йил 24 декабрдаги ПҚ-452-сон қарорига мувофиқ, ишда фойдаланиш учун 2025 йилга мўлжалланган иш вақти меъёрлари давомийлигининг тақвими ишлаб чиқилди.

Байрам кунлари:

1 январь – Янги йил.

8 март – Хотин-қизлар куни.

21 март – Наврўз байрами.

31 март – Рўза ҳайит (Ийд ал-Фитр).

9 май – Хотира ва қадрлаш куни.

7 июнь – Қурбон ҳайит (Ийд ал-Адҳа).

1 сентябрь – Мустақиллик куни.

1 октябрь – Ўқитувчи ва мураббийлар куни.

8 декабрь – Конституция куни.

Иш соатларининг меъёри (иш вақти) қуйидагича белгиланади:

5 кунлик (40 соатли) иш ҳафтасида:

• 8 соатли иш куни ва 7 соатли байрам олди иш кунлари ҳисобга олинади;

6 кунлик (40 соатли) иш ҳафтасида:

• 7 соатли иш куни ва дам олишдан олдинги 5 соатли иш куни шунингдек, байрам олди кунлари 6 соатли (шанба кунига тўғри келса, 4 соатли) иш куни ҳисобга олинади;

36 соатли иш ҳафтасида:

• 6 соатли иш куни ва 5 соатли байрам кунидан олдинги иш кунлари ҳисобга олинади.

Рўза ҳайит (Ийд ал-Фитр) ва Қурбон ҳайит (Ийд ал-Адҳа) байрамларининг кўрсатилган кунлари бир кунга ўзгариши мумкин.