Фавқулодда вазиятлар вазирлигининг хабар беришича, “Жанубий Фарғона“ каналида содир бўлган ҳодисани бартараф этишда ҳудудий ФВБ, маҳаллий ҳокимлик ва ФВДТнинг қуйи тизимига кирувчи хизматлар билан ҳамкорликда каналнинг емирилган қисмида муҳандислик-ҳимоя ишлари ишлари олиб борилиб, тўлиқ мустаҳкамланди ва сув сизиб чиқиши бартараф этилди.
Юзага келган вазият оқибатида тан жароҳати олганлар йўқ.
Эслатиб ўтамиз, шу йилнинг 8 май куни Андижонда Жанубий Фарғона магистрал каналининг ПК-194+60 пикетида кичик ГЭС қуриш ишларини олиб бориш жараёнида каналнинг дамбасини сув ювиб кетганди. Шунингдек, ҳодиса оқибатида ушбу маҳаллада жойлашган 100 га яқин хонадонга сув кирган. Шундан тахминан 30 тасида хонадоннинг ичига, қолган 70 та ҳолатда эса томорқасига сув киргани маълум қилинганди.
