Қайд этилишича, Бухоро вилоятида ўқувчиларнинг бўш вақтларини самарали ташкил этиш,уларни ёт ғоялар таъсиридан ҳимоялаш, ўқувчи-ёшлар ўртасида ҳуқуқбузарликларнинг барвақт олдини олиш, уларнинг содир этилиш сабаблари ва шарт-шароитларини аниқлаш, таҳлил қилиш ва бартараф этиш борасида тизимли ишлар амалга ошириб келинмоқда.
Жумладан, ҳар ҳафтанинг пайшанба кунлари умумтаълим муассасаларида “Профилактика куни“ этиб белгиланган бўлиб, шу куни ҳамкор ташкилотлар билан мактабларда “Тиғ“ ва “Давомат“ тадбирлари ўтказиб келинмоқда.
Шунингдек, мактаб ўқувчилари давомати тизимли равишда назоратга олинган бўлиб, мунтазам дарсга келмайдиган ўқувчиларни дарсга қайтариш бўйича мактаб, оила, маҳалла ва ҳуқуқ тартибот идоралари ҳамкорлиги йўлга қўйилган.
Вилоят Мактабгача ва мактаб таълими бошқармасининг қўшимча қилишича, тармоқларда тарқалган ҳолат шу йилнинг 15 февралидан 15 март кунига қадар олиб борилган тадбирлар давомида аниқланган бўлиб, ҳолатларнинг ҳар бири ота-оналар иштирокида муҳокама қилиниб, улар ўртасида тушунтириш ишлари олиб борилган.
Шунингдек, болаларни тарбиялаш ва уларга таълим бериш борасидаги мажбуриятларни бажармаганлиги учун ота-она ёки ота-она ўрнини босувчи васийларга нисбатан МЖТК 47-моддаси қўлланилган.