Ўтказилган назорат тадбирида Ромитан туманида жойлашган “Р. Т. Ш.“ МЧЖга қарашли шохобчада суюлтирилган газ маҳсулотларини сотиш ҳуқуқини бериш бўйича лицензиянинг амал қилиш муддати тугаганлиги ҳамда ёқилғи тарқатиш устунларини даврий давлат қиёслов кўригидан ўтказмаганлиги аниқланди.
Ушбу шохобчага нисбатан лицензиянинг амал қилиш муддати тугаганлиги сабабли Ўзбекистон Республикасининг 701-сонли Қонунига асосан базавий ҳисоблаш миқдорининг 300 баробари миқдорида (112,5 млн сўмлик) жарима қўлланилди.
Шунингдек, шохобчадаги ёқилғи тарқатиш устунларини даврий давлат қиёслов кўригидан ўтказмаганлиги сабабли, Ўзбекистон Республикасининг 940-сонли Қонунининг 43-моддасига асосан реализация қилинган товар қийматининг эллик фоизи миқдорида (11,8 млн сўмлик) жарима ҳам қўлланилди.
