Мактабгача ва мактаб таълими вазирлиги томонидан Истеъдодли ёшларни қўллаб-қувватлаш "Улуғбек" жамғармаси билан ҳамкорликда ташкил этилган "Мирзо Улуғбек" онлайн мактабининг очилиш маросими бўлиб ўтди.

Онлайн мактаб доирасида ҳозирда тест-синов тариқасида 3 та тоғли ва чекка ҳудуддаги мактаблар танлаб олинган. Булар Жиззах вилояти, Фориш тумани 7-сонли, Самарқанд вилояти Қўшрабод тумани 70-сонли ва Сурхондарё вилояти Денов тумани 62-сонли мактаблардир.

Мазкур мактабда юқори синф ўқувчилари малакали устозлардан математика ва инглиз тили фанларидан қўшимча таълим олади, дея хабар бермоқда Мактабгача ва мактаб таълими вазирлиги.