3200 мегапикселли ушбу асбоб Вера К. Рубин расадхонасига ўрнатилади. Бу ҳақда Phys.org сайтидаги пресс-релизда маълум қилинди.
Камеранинг оғирлиги тахминан уч тонна, объективининг диаметри эса 1,5 метрни ташкил қилади. Вакуум камерасининг ичида диаметри тахминан бир метр бўлган яна бир линза мавжуд.
Мазкур камера галактикаларни ва вақт ўтиши билан коинот қандай ўзгарганини ўрганиш учун мўлжалланган. Бундан ташқари, у қоронғу материя кластерлари ва ўта янги юлдузларни кузатиш учун ишлатилади.
Камера Чилида 2,7 километр баландликда жойлашган Серро Пачон тоғидаги Рубин обсерваторияси тадқиқот телескопига ўрнатилади, деб хабар беради lenta.ru.