Сентябрь ойидаги ФИФА кунлари олдидан «Трансфермарк» портали терма жамоаларнинг 2022 йилги энг яхши тўпурарлари рўйхатини эълон қилди.
Унга кўра, «Рома» ҳужумчиси Элдор Шомуродов йил бошидан буён Ўзбекистон терма жамоаси сафида 9та гол киритиб, бу борада жаҳонда пешқадамлик қилмоқда.
Тўпурарлар рўйхатида ўзбекистонлик голеадордан кейинги ўринни Норвегия ҳужумчиси Эрлинг Ҳоланд ва Камерун форварди Венсан Абубакар эгаллаган – 8тадан гол.
Сенегал ва «Бавария» клуби форварди Садио Мане бу йил терма жамоасида 7 та гол киритган бўлса, ПСЖ ҳужумчиси Лионел Месси Аргентина термаси сафида ўз ҳисобига 6 гол ёзиб қўйган.
