Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.

Бош прокуратура ҳузуридаги Департаментнинг Фарғона вилоят бошқармаси томонидан ўтказилган терговга қадар текширувда “Г.Фҳ.” МЧЖ филиали менежери Ж.У. ва бошқалар Фарғона туманидаги дори воситаларини сақлаш омборхонасидаги қурилмаларини тижорат мақсадда электрон ҳисоб дастурига киритилмаган ҳисоблагич орқали ўзбошимчалик билан улаб, 839,2 млн сўмлик электр энергиясидан ноқонуний фойдаланганликлари аниқланди.

Ҳозирда мазкур ҳолат юзасидан Жиноят кодексининг 169 моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.