Европарламент аъзоси Рафаэль Глюксман АҚШ расмийларидан Озодлик ҳайкалини Францияга қайтаришни талаб қилди. Ҳозирги маъмурият ва АҚШ Президенти ўз қарорлари билан эркинлик қадриятлари уларга яқин эмаслигини кўрсатмоқда, деди Глюксман Place publique сўл марказ партияси иштирокчилари қаршисиги нутқида. Сиёсатчининг 17 март, якшанба кунги нутқидан парчаларни AFP агентлиги келтириб ўтади.
Украинани фаол қўллаб-қувватлаётган Глюксман ўз нутқида Вашингтонни Москвага яқинлашаётганини қоралади. Унинг сўзларига кўра, АҚШ “золимлар томонига ўтишга қарор қилган”. Бундан ташқари, француз сиёсатчиси Дональд Трамп маъмуриятини илмий эркинлигини таъкидлаган олимларни ишдан ҳайдагани учун танқид қилди.
Шу муносабат билан Европарламент депутати АҚШни Озодлик ҳайкалини қайтаришга чақирди. “Биз буни сизга бердик, лекин сиз уни менсимаётганга ўхшайсиз”, деди у америкаликларга мурожаат қилиб.
Озодлик ҳайкали Францияда ҳайкалтарош Огюст Бартольди раҳбарлигида яратилган. Бу французлар америкаликларни қўллаб-қувватлаган Америка мустақиллииги учун урушининг юз йиллиги шарафига Франциянинг АҚШга совғаси эди, деб хабар беради dw.com.
46 метр баландликдаги мис ҳайкал 1886 йилда Нью-Йоркдаги Озодлик оролида очилган. Бир вақтлар яқин атрофдаги Эллис-Айленд оролида АҚШга киришни кутган миллионлаб муҳожирлар учун у яхшироқ ҳаётга умид рамзи эди, дея таъкидлайди AFP.
