2022 йил 12 октябрда Ўзбекистон Республикаси Ташқи ишлар вазирининг ўринбосари Фурқат Сиддиқов АҚШ Давлат департаменти Халқаро диний эркинлик идорасининг Марказий Осиё мамлакатлари бўйича координатори Робин Шулманни қабул қилди.
Ўзбекистон-Америка ҳамкорлигининг томонларни қизиқтирган соҳалардаги ҳозирги ҳолати ва ривожланиш истиқболлари муҳокама этилди.
Режалаштирилган қўшма тадбирлар жадвали юзасидан фикр алмашилди.
Бағрикенглик, инсонпарварлик, миллатлараро ва динлараро англашув тамойилларини илгари суришда конструктив мулоқотни давом эттириш муҳимлиги қайд этилди.
Турли йўналишларда яқин мулоқотни давом эттириш бўйича келишувга эришилди, деб хабар беради Ташқи ишлар вазирлиги матбуот хизмати.
Ўзбекистон Республикаси ташқи ишлар вазири Бахтиёр Саидов Қозоғистон Республикаси Бош вазири ўринбосари ва ташқи ишлар вазири Мурат Нуртлеу билан телефон орқали самарали мулоқот ўтказди.
Ўзбекистоннинг янги тайинланган элчиси Равшанбек Алимов Туркманистон ташқи ишлар вазири Рашид Мередовга ишонч ёрлиқлари нусхаларини топширди, деб хабар бермоқда "Дунё" АА.
Ўзбекистон ташқи ишлар вазири Бахтиёр Саидов кеча Афғонистон дипломатик ваколатхонасининг янги раҳбари Абдул Ғаффор Теравийни қабул қилди, деб хабар қилмоқда Дунё АА.
