Денгиз булутини ёритиш ёки денгиз булути муҳандислиги асосан булут қопламининг миқдорини оширишга асосланган, бу ҳавони совитиш эффектининг 60-90 фоизини ташкил қилади.
Атмосфера геоинженериясининг совитиш таъсирини баҳолашда фойдаланилган олдинги моделлар аэрозол инъекциясининг булутга ёрқин таъсир кўрсатиш қобилиятига эътибор қаратган, бу эса ўз навбатида коинотга қайтариладиган қуёш нури миқдорини оширади. Бироқ, аралаш метеорологик шароитларнинг таъсири каби ўзгарувчан таъсирлар туфайли совитиш эффекти ва аэрозолларга таъсир қилиш механизмлари ҳали ҳам яхши тушунилмаган.
Тадқиқотчилар Гавайидаги Килауэа вулқонининг отилиши натижасида юзага келган аэрозолнинг булутлар ва иқлимга таъсирини ўрганишди, деб хабар беради lenta.ru.
Маълум бўлишича, фаоллик даврида булут қоплами 50 фоизга ошиб, ҳар квадрат метр учун -10 ваттгача совитиш эффектини ҳосил қилган. Таққослаш учун, карбонат ангидрид чиқиндиларини икки баравар ошиши дунё бўйлаб ўртача квадрат метр учун тахминан +3,7 ватт иссиқлик эффектини юзага келтиради.
Олимларнинг фикрига кўра, булутли муҳандисликни фақат вазиятни енгиллаштирадиган восита сифатида кўриш мумкин, асосий чора-тадбирлар антропоген омиллар туфайли юзага келаётган чиқиндиларни камайтиришга қаратилиши керак.
