Грузиядан ташриф буюрадиган туристлар оқими оширилади

Вазирлик мутахассислари Грузиянинг Миллий туризм администрацияси раҳбарияти билан учрашиб, хорижлик расмийга Ўзбекистоннинг туризм салоҳияти, сайёҳлар учун яратилган шарт-шароитлар, мавжуд транспорт-логистика тўғрисида батафсил маълумотлар берди.

Томонлар 2023 йил сентябрь ойида Грузия туроператорлари, ОАВ вакиллари, блогерлар иштирокида Ўзбекистоннинг туризм ташриф объектлари бўйлаб инфо-тур ҳамда B2B учрашувлари ташкил этиш бўйича келишиб олди.

Шу билан бирга, Ўзбекистонда ички туризмни ташкил этиш ва бу борада аниқ статистика юритиш бўйича тажриба алмашиниш белгиланди.

Миллий туризм администрацияси Грузия шаҳарларида Ўзбекистоннинг туризм салоҳиятини тарғиб этиш мақсадида роуд-шоу ташкиллаштиришда амалий ёрдам кўрсатишини билдирди, деб хабар беради Маданият ва туризм вазирлиги матбуот хизмати.

Маълумот учун, 2023 йил 6 ойида мамлакатимизга Грузиядан келган сайёҳлар сони ўтган йилнинг шу даври билан таққослаганда икки баробарга ортган.

“Зомин” туристик -рекреацион зонасида дор йўли ишга туширилди

Жорий йил 25 августда Жиззах вилоятининг Зомин туманида барпо этилаётган “Зомин” туристик -рекреацион зонасида ҳудуддаги илк дор йўли лойиҳаси фойдаланишга топширилди.

Гуандун провинцияси билан туризм соҳасида ҳамкорлик ривожлантирилади

Турим қўмитасида Ўзбекистон ва Хитой ўртасидаги туризм соҳасини янада ривожлантириш, туризмнинг янги йўналишларида истиқболли ҳамкорлик лойиҳаларини муҳокама этиш мақсадида Гуандун провинцияси Ташқи ишлар департаменти бош директори ўринбосари Хе Жушен бошчилигидаги расмий делегация вакиллари билан учрашув ўтказилди.

Қорақалпоғистон Республикасида туризмни ривожлантириш стратегияси тақдимоти ўтказилди

Тошкент давлат иқтисодиёт университетида Германиянинг халқаро ҳамкорликни ривожлантириш ташкилоти (“Gesellschaft für internationale Zusammenarbeit — GIZ”)нинг “Ўзбекистон ҳудудларида иқтисодий ислоҳотларни қўллаб-қувватлаш ва барқарор иқтисодий ривожлантириш” лойиҳаси доирасида Қорақалпоғистон Республикасида 2023-2026 йилларда туризмни ривожлантириш стратегиясининг тақдимоти ва уни амалга ошириш бўйича ишлаб чиқилган ҳаракат дастурининг лойиҳаси юзасидан очиқ мулоқот бўлиб ўтди.

Ўзбекистонда «Тўсиқсиз туризм» дастури амалга оширилади

2024 йил 1 январдан бошлаб ногиронлиги бўлган шахсларнинг саёҳат қилишлари учун қулай муҳит яратишга қаратилган «Тўсиқсиз туризм» дастури амалга оширилади

Тез орада Ўзбекистонда Rotana бренди остида меҳмонхоналар иш бошлайди

Жорий йил 24 июлда Маданият ва туризм вазири Озодбек Назарбеков ва Rotana Hotels and Resorts (Rotana меҳмонхоналар бошқаруви) корпорацияси директорлар кенгаши аъзоси Ҳусайн ал Новаис ўртасида учрашув бўлиб ўтди.

Болгария билан туризм соҳасида ҳамкорлик янада ривожлантирилади

Жорий йил 20 июлда Маданият ва туризм вазирлигида Болгария Республикасининг Ўзбекистон Республикасидаги Фавқулодда ва Муҳтор элчиси Атанас Кристин билан учрашув бўлиб ўтди.

Ҳалол сертификатлаштириш бўйича меморандум имзоланди

Маданият ва туризм вазирлиги қошидаги “Туризм хизматларини сертификатлаш маркази” ДУК томонидан “World Halal Trust Group” ва “Ҳалол “MAIB” Халқаро сертификатлаштириш маркази” МЧЖ билан Ҳалол туризм соҳасида яқин ҳамкорликни ривожлантириш мақсадида меморандум имзоланди.