Хитой тезюрар поездлар ҳаракатланадиган темир йўл йўналишини ишга туширди, унинг қарийб 20 километри денгиз устидан ўтган.
277 километр узунликдаги тезюрар магистраль Фучжоу шаҳри ва Сямэнь портини боғлайди, сўнгра учта кўрфаз – Цюаньчжоувань, Мэйчжоувань ва Аньхайванни кесиб ўтиб, Чжанчжоуга олиб боради.
Темир йўлнинг сув устидан ўтган қисмида поезд соатига 350 километр тезликка эриша олади. Ушбу йўналиш бўйича умумий саёҳат вақти бир соат, деб хабар беради radiosputnik.ria.ru.
Хитойнинг етакчи оммавий ахборот воситалари, жумладан, «People’s Daily» ва «Beijing Youth Daily» газеталари, шунингдек, энг йирик ва энг нуфузли давлат ахборот агентлиги «Sinxua» бўлинмаси Ўзбекистон билан туризм соҳасидаги ҳамкорликни мустаҳкамлашга бағишланган мақолалар эълон қилди. Хусусан, Пекинда «Хитойда Ўзбекистон туризм йили»нинг очилиш маросими ҳамда Хитой-Ўзбекистон туризм сармоя форуми ўтказилганлиги ҳақида хабар берилди.
