Жумладан, Индонезия туроператорлари ассотсиацияси (ASITA) раиси Н.Русмиати, «Aldo Holidays» сайёҳлик компанияси директори Ж.Самолангом, Индонезия Уламолар Кенгаши раиси вакили, «Fayyash Travel & Tours» компанияси раҳбари А.Сисванди, Исломий туризм тадқиқотлар маркази А.Убайдуллаҳ билан музокараларда зиёрат туризми ва «Умра+» йўналишида Индонезиядан сайёҳлар оқимини ошириш масалалари батафсил кўриб чиқилди.
Музокаралар якунида ҳамкорликда республикадаги туристик маршрут ва хизматларни такомиллаштириш, Индонезияда Ўзбекистоннинг туризм салоҳиятини тарғиб қилиш бўйича келишувларга эришилди, деб хабар беради Туризм қўмитаси матбуот хизмати.
