Аввал хабар берилганидек, 2023 йилнинг 2 декабрь куни Италияда “ARTIGIANO IN FIYERA” халқаро ҳунармандчилик кўргазмаси очилди.
Мазкур кўргазма ҳар йилнинг якунида, 100 дан ошиқ давлатлардан йиғилган ҳунармандлар ҳамда 1,5 млн дан зиёд ташриф буюрувчилар иштирокида Италиянинг Милан шаҳрида 25 йилдан буён мунтазам равишда ўтказилиб келинмоқда.
Кўргазмада "Ҳунарманд" уюшмасининг аъзолари бўлган ҳунармандлар, Уюшма раҳбари Улуғбек Абдуллаев иштирок этмоқда.
Кўргазма доирасида "Ҳунарманд" уюшмаси ҳамда "ARTIGIANO IN FIYERA” ўртасида Меморандум имзоланди.
Бухоро, Тошкент, Фарғона, Хоразмдан борган ҳунармандларимиз ипак сумка, шарф, сўзана пичоқ, керамика (арча ўйинчоқлар) каби маҳсулотлари билан Италияда Ўзбекистон шарафини улуғлашмоқда.
