Ҳужжатда таъкидланишича, амалиётда юридик шахс мақомига эга бўлмаган касаба уюшмалари бўлинмалари ва бошланғич касаба уюшмалари ташкилотлари учун банк ҳисобрақамларини очишда муаммолар мавжуд, чунки бунинг учун СТИР олиш талаб этилади.
Қонун билан Солиқ кодексига юридик шахс мақомига эга бўлмаган касаба уюшмалари бўлинмалари ва бошланғич касаба уюшмалари ташкилотларига СТИР бериш тўғрисида қўшимча киритиляпти.
Бундан ташқари, «Касаба уюшмалари тўғрисида»ги Қонунга юридик шахс мақомига эга бўлмаган касаба уюшмалари бўлинмалари ва бошланғич касаба уюшмалари ташкилотларини адлия органларида ҳисобга қўйиш имкониятини назарда тутувчи ва ушбу тартибни Вазирлар Маҳкамаси томонидан белгилашни назарда тутувчи қўшимчалар киритилган, деб хабар беради «Norma» портали.
Ҳужжат қонун ҳужжатлари маълумотлари миллий базасида эълон қилинган ва 2024 йил 14 августдан кучга кирган.
