Қарши шаҳрида "Янги Ўзбекистон - янги касаба уюшмалари" шиори остида байрамона тадбир ўтказилди.

Тадбир давомида "Аёллар дафтари"га киритилган хотин-қизларни қўллаб-қувватлаш бўйича Ўзбекистон касаба уюшмалари Федерацияси томонидан эълон қилинган "Энг яхши сектор раҳбари" (Касби тумани ҳокими), "Энг яхши ҳоким ёрдамчиси" (Чироқчи тумани), "Энг яхши хотин-қизлар фаоли" (Миришкор тумани), "Энг яхши ёшлар етакчиси" (Касби тумани) ва "Энг яхши маҳалла раиси" (Нишон тумани) каби бир қатор номинациялар бўйича тақдирлаш маросимлари ҳам ўтказилди.

Шунингдек, касаба уюшма фаоллари ва меҳнат фахрийлари рағбатлантирилди. Вилоятимизнинг хушовоз санъаткорлари томонидан айтилган куй-қўшиқлар барчага бирдек кўтаринкилик бағишлади.