Маълум бўлишича, ASC2 оқсили яллиғланишни олдини олиб, уни бостиришга қодир. Айнан у кўршапалакларнинг юқори умр кўришини, шунингдек, касал бўлмасдан вирусларни олиб юриш қобилиятини таъминлайди.
Ўрганиш шуни кўрсатдики, ASC2 таркибида яллиғланишни бартараф этишда оқсил самарадорлиги учун масъул бўлган тўртта муҳим аминокислоталар мавжуд. Бу хусусиятлар эволюция натижасида шаклланган. Ўзгартирилган оқсил билан генетик жиҳатдан ўзгартирилган кемирувчилар устида ўтказилган тажрибада яллиғланишни камайтириш ва турли патогенлар, шу жумладан вируслар келтириб чиқарадиган касалликларнинг оғирлигини камайтиришга эришилди.
Ушбу кашфиёт оқсилнинг яллиғланишга қарши таъсирига асосланган дориларни ишлаб чиқишга йўл очиб бериши мумкин, бу яллиғланиш касалликларини даволашга ёрдам беради ва эҳтимол қаришни секинлаштиради. Айни пайтда олимлар патент олиш учун ариза беришди ва дори воситаларини ишлаб чиқариш учун тижорат имкониятларини ўрганишмоқда, деб хабар беради lenta.ru.
