У бу фикрини France Inter радиоси орқали билдирди, деб хабар беради rbc.ru.

“Менимча, ҳозир устувор вазифа сиёсий келишувга қайтиш. Ғазодаги жанглар учун қурол етказиб беришни тўхтатиш керак”, деди у.

BFMTV телеканалининг Елисей саройига таяниб ёзишича, қурол эмбаргоси ​​қўйилган тақдирда Париж Тел-Авивни мамлакат мудофааси учун зарур воситалар билан таъминлашда давом этади.

Макроннинг сўзларига кўра, Исроил Бош вазири Беньямин Нетаняхунинг сиёсати “хато, шу жумладан Исроил хавфсизлиги учун”. Президент Исроилнинг Ливандаги амалиёти ҳақида ҳам шундай деди: “Ливан халқи қурбон бўлмаслиги керак, Ливан эса янги Ғазога айланмаслиги керак”.

Нетаняху Макроннинг сўзларини “шармандалик” деб атади. Унинг таъкидлашича, Эрон ҳусийлар, ҲАМАС ва “унинг бошқа вакилларига” қурол етказиб беришни тўхтатмаяпти, аммо “бу террор ўқига қарши чиққан давлатлар Исроилга қурол эмбаргоси ​​жорий этишни талаб қилмоқда”. Бош вазирнинг таъкидлашича, Исроил ғарб ҳамкорлари кўмаги билан ёки уларнинг ёрдамисиз ғалаба қозонади.