Унда Хитой Халқ Республикаси, Россия Федерацияси, Қозоғистон, Тожикистон, Қирғизистон ва Ўзбекистон Республикаларидан 6 жамоа беллашишининг ўзи бу галги мусобақанинг нечоғли муросасиз ва қизғин баҳслар асосида кечишини англатиб турибди.
Дастлаб қуръа ташлаш йўли билан жамоаларнинг шартларни бажариш кетма-кетлиги аниқланди. Олимпиадада асосий жамоалардан ташқари яна 3 та мезбон жамоамиз ўз имкониятларини синовдан ўтказади.
Олимпиада иштирокчилари беш кун мобайнида «Тиббий тайёргарлик» «Ўқувда қийин – жангда осон», «Кимёвий ҳимоя», «Ориэнтирлаш», «Халқаро гуманитар ҳуқуқ», «Қуролсоз», «Дуэль», «Мерган», «Армия биатлони», «Йўлак» каби мусобақаларда ўз билим ва маҳоратларини синовдан ўтказадилар.
