Томонлар Ўзбекистон Республикаси Президенти Ш.Мирзиёевнинг 2023 йил январь ойида Сингапурга ташрифи чоғида имзоланган қўшма лойиҳа ва келишувларни амалга ошириш ишлари ҳамда ҳамкорликни янада ривожлантириш масалаларини муҳокама қилди.
Шунингдек, Ўзбекистонга тўғридан-тўғри хорижий инвестицияларни жалб этишга кўмаклашувчи Миллий инвестиция жамғармасини яратиш жараёни кўриб чиқилди, деб хабар беради Инвестициялар, саноат ва савдо вазирлиги матбуот хизмати.
Franklin Templeton — 1947 йилда Нью-Йорк шаҳрида ташкил этилган бўлиб, ҳозирги кунда 9 мингдан ортиқ ходимга эга глобал инвестиция компанияси. Унинг бошқаруви остидаги активлари 1,4 триллион доллардан ортиқ. Компаниянинг бош қароргоҳи АҚШнинг Калифорния штатида жойлашган.
