Ҳукмрон “Грузия орзуси” партиясидан номзод Михаил Кавелашвили Грузия президенти этиб сайланди, деди Марказий сайлов комиссияси раиси Гиоргий Каландаришвили.
“Михаил Кавелашвили Грузия президенти этиб сайланди”, деди у.
Унга кўра, сиёсатчи 300 та овоздан 224 тасини қўлга киритди. Президентликка сайланиш учун камида 200 та овоз олиш керак эди.
Шанба куни Грузияда президентлик сайловлари бўлиб ўтди. Президент сайланган парламент биносидаги йиғилишда мухолифат иштирок этмади. Айни пайтда кўчада мамлакат ҳукумати мухолифларининг навбатдаги норозилик намойиши бўлиб ўтмоқда, деб хабар беради ria.ru.
Охирги кунларда Тбилисида намойишчиларнинг ҳаракатлари туфайли 100 нафардан ортиқ, жумладан, ўтган тунда 20 нафардан ортиқ ҳуқуқ-тартибот идоралари ходимлари жароҳат олди.
Агар мухолифат кузги сайловларда ғалаба қозонса, Грузия бир неча кун ичида “иккинчи фронт”га айланади, деди бош вазир Ираклий Кобахидзе “Рустави 2” телеканалига берган интервьюсида.
