Қайд этилишича, Сирдарё вилояти божхона бошқармаси Контрабандага қарши курашиш бўлими ва ДХХ 9252-сонли ҳарбий қисм ходимлари ҳамкорлигида Сирдарё туманида ўтказилган тадбир давомида, фуқаро Х.Ф.нинг яшаш хонадонида қонунбузарлик ҳолати қайд этилди.
Маълумотларга кўра, фуқаронинг молхонаси юқори қаватидаги пичанлар устида аввалдан етиштирилиб, қуритилган ҳолда сақланаётган 13 туп “Кўкнори“ ўсимлиги (жами 30 дона бошоқ) аниқланди. Шунингдек, хонадонга туташ иссиқхона ва унинг ташқи томонларида жами 10 туп “наша“ (канабис) ўсимлиги етиштирилаётганлиги аниқланди.
Аниқланган гиёҳвандлик ўсимликлари ашёвий далил сифатида вақтинча сақловга олинди ва ҳолат юзасидан терговга қадар текширув ҳаракатлари бошлаб юборилди.
