Маълум бўлишича, Германия музейи ходимларидан бири расмларни сохталарига алмаштириб, асл нусхаларини ауксионда сотган.
Ўғирланган биринчи асар 1891 йилда немис рассоми Франс фон Стукнинг "Қурбақа қирол эртаги" эди. У 70 минг еврога сотилган. Ходим ауксион уйига расм унинг бобоси ва бувисига тегишли эканлигини айтган. Эдуард фон Грутзнернинг “Вино дегустацияси” ва Франс фон Дефреггернинг “Тоғларда ўтин териб юрган икки қиз” асарлари ҳам худди шундай ауксионга берилган.
Қалбаки расмлар музей баҳоловчиси томонидан аниқлаган. Натижада гумонланувчи судга тортилиб, айбдор деб топилган. Музей ходими бир йилу тўққиз ойга шартли қамоқ жазоси ҳамда 60 минг евродан ортиқ жаримага тортилди.
