“Дунё“ ААнинг хабар беришича, Al-Aseal” асал ишлаб чиқариш корхонаси раҳбари Фатхи Бехейри билан музокара ўтказилди. Унда Наманган ва Жиззах вилоятларида асал заводини ташкил этиш бўйича инвестициявий лойиҳаларни амалга ошириш муҳокама қилинди.
Жумладан, қурилиши режалаштирилаётган бинолар, асални қайта ишлаш, тозалаш ва бойитиш тизими бўйича режалар кўриб чиқилди.
Музокаралардан сўнг асални қайта ишлаш ва қадоқлаш маркази ҳамда асал йиғиш даласига экскурсия уюштирилди. Дипломатлар яратилган шароитлар ва ишлаб чиқариш жараёни билан яқиндан танишди.
