Тўрақўрғонлик миришкор боғбон ярим асрдан бери томорқасида бир неча нодир узум навларини пайвандлаш усулида кўпайтириб, ҳудуд шароитига мослаштириб юқори мўл ҳосил олмоқда.
Мозоркўҳна қишлоғида яшовчи Икромжон ота Абдусаломов ўз ҳовлисини тажриба-синов майдонига айлантирган.
Нуроний 40дан зиёд узум навларини парваришламоқда. Етмиш ёшни қарши олаётган изланувчан соҳибкор саъй-ҳаракати билан маҳаллий, МДҲ давлатларидан олиб келиб ўстирилаётган эртапишар ва серҳосил навлар бирин-кетин мева бермоқда.
Яқинда унинг «коллекцияси»дан кунчиқар мамлакат — Япониядан юборилган янги нав ҳам ўрин олди.
Абдулла ҒОЗИЕВ.
Президентимиз Шавкат Мирзиёев тадбиркорларни қўллаб-қувватлашга, уларнинг самарали фаолият юритишлари учун барча имкониятларни яратиб беришга, керак бўлса, иккита иш ўрни яратган тадбиркорни бошида кўтаришга тайёр эканлигини кўп бора тилга олиб келмоқдалар. Шу боис ҳам ўтган 5 йилда бир қанча фармон ва қарорлар қабул қилинди. Ўтказилаётган туб ислоҳотлар натижасида Ўзбекистон Doing business халқаро индексида 2015 йилдаги 146-ўриндан 2020 йилда 69-ўрингача юқорилади.
