Навоий вилояти ҳокими ўринбосари Жамшид Ходжаев бошчилигидаги делегация Россия Федерациясининг Татаристон Республикасида энг йирик автомобиль корпорацияси бўлган «Камаз» заводида бўлди.
Жараёнда компания бошқаруви раиси ўринбосари Л.Хурматуллина ва маслаҳатчиси А.Евграфов бошчилигидаги компания вакиллари билан музокаралар ҳам олиб борилди.
Делегация ташрифидан асосий мақсад Россия Федерациясида ёшларни касб-ҳунарга ўқитиш, иш билан таъминлаш масалаларини муҳокама қилишдан иборат. Шунингдек, делегация Россия Федерациясининг Самара вилояти ва Татаристон Республикаси Казан шаҳрида амалга оширилаётган лойиҳалар билан танишиб, тажриба алмашади.
