Самолёт капитани тирик қолди ва шифохонада, деди Трибхуван халқаро аэропорти матбуот котиби Субаш Жа Himalayan Times нашрига.
“Самолёт бортида ўн тўққиз киши, жумладан, экипаж аъзолари бўлган, Дастлабки маълумотларга кўра, ҳалокат жойидан 18 кишининг жасади топилди. Самолёт капитани зудлик билан шифохонага етказилди”, деди у.
Saurya Airlines авиакомпанияси ҳалокатга учраган самолётдаги йўловчилар рўйхатини эълон қилди, унга кўра, самолётда фақат авиакомпания ходимлари бўлган.
Гувоҳларнинг сўзларига кўра, самолёт учиш-қўниш йўлагининг жанубий четидан ҳавога кўтарилаётганда тўсатдан ағдарилган, қанот учи ерга тегиб кетган, оқибатда самолёт ёниб, учиш-қўниш йўлагидан сирғалиб кетган.
Катмандуда жойлашган Saurya Airlines Непалнинг бешта йўналиши бўйлаб парвозларни амалга оширади, деб хабар беради ria.ru.
