Боёвут тумани ҳокимлиги муассислигидаги "Нурли истиқбол" газетаси икки йиллик танаффусдан сўнг яна қайта чоп этила бошлади. Бу ҳақда Сирдарё вилояти ҳокимлиги Ахборот хизмати маълум қилди.
Албатта, бу Эркинжон Турдимовнинг ташаббуси билан бўлса, ажабмас.
Сирдарё вилояти ҳокимлиги Ахборот хизмати раҳбари Манучеҳр Мирзаевга кўра, туман-шаҳар ҳокимликлари муассислигидаги 14 та газетанинг 7 таси 2-3 йилдан бери чиқарилмаяпти.
Тизимга тўғри ва оқилона ёндашув сабаб жорий ойдан бошлаб 3 та босма матбуот чоп этилмоқда. Қолган 4 та газета фаолияти келаси ойдан тикланиши маълум қилинди.
