Давлат хавфсизлик хизмати, «Ўзенергоинспекция» ва «Ҳудудгазтаъминот» АЖ ходимлари билан ҳамкорликда ўтказилган назорат тадбирида Гулистон шаҳрида жойлашган «Д.» оилавий корхонасига қарашли чойхона резина шланг билан ҳеч қандай ҳужжатларсиз тармоққа уланиб, табиий газдан ноқонуний равишда фойдаланиб келаётганлиги маълум бўлди.
Дастлабки ҳисоб-китобларга кўра, ушбу ҳолат бўйича 882 млн 851 минг сўм миқдоридаги ҳисобга олинмаган табиий газ қайта ҳисоб-китоб қилинди.
Қоидабузар истеъмолчига нисбатан белгиланган тартибда чора кўриш учун тегишли ҳужжатлар расмийлаштирилиб, ҳуқуқни муҳофаза қилувчи органларга тақдим этилди.