Бу ҳақда Билим ва малакаларни баҳолаш агентлиги хабар берди.
Қайд этилишича, тест синовларида 40 897 нафар талабгор иштирок этди. 2 902 нафар талабгор қатнашмаган бўлса, 83 нафар талабгор тартиб-қоидани бузгани сабабли тест синовларидан четлаштирилди.
20 август куни ўтказилган тест синови натижалари бугун my.uzbmb.uz сайтида эълон қилинади.
Талабгорлар ўз натижаларини my.uzbmb.uz сайтидаги Ўқишни кўчириш (хорижий ва нодавлат) Натижа бўлимидан паспорт серияси ва рақами ҳамда шахсий идентификация рақамини киритган ҳолда билишлари мумкин бўлади.
Мутахассислик фанларидан касбий (ижодий) имтиҳон топширган талабгорларнинг натижалари ОТМлар томонидан касбий (ижодий) имтиҳон натижалари Билимни баҳолаш агентлигига тақдим этилгандан сўнг эълон қилинади, — дейилади хабарда.
