Миллий гвардия марказий девонида «Ҳарбий-ватанпарварлик» ва «Ёш гвардиячилар» синфлари мавжуд бўлган умумий ўрта таълим мактабларининг чақирувга қадар бошланғич тайёргарлик фани ўқитувчилари билан Миллий гвардиянинг Тошкент шаҳар, Қорақалпоғистон республикаси, Фарғона ва Жиззах вилоятларидаги минтақавий ўқув марказларида ўтказилаётган ўқув йиғинининг бошланиши муносабати билан онлайн конференц алоқа тарзида видео селектор ўтказилди.
Тадбирда Миллий гвардия қўмондони ўринбосари полковник С.Мамаюсупов, Мактабгача ва мактаб таълими вазири ўринбосари Ф.Боқийeвлар иштирок этиб, ўқув йиғини иштирокчиларига янги ўқув йилида амалга ошириладиган замонавий методлар билан таништирди. Жумладан, янги ўқув йилида ўқувчилар учун ташкил этиладиган ватанпарварлик тадбирлари ҳар бир ойга берилган номга мос равишда ўтказилади.
Бўлиб ўтадиган ўқув йиғини давомида умумий ўрта таълим мактабларининг чақирувга қадар бошланғич тайёргарлик фани ўқитувчилари билан Жамоат хавфсизлиги университети профессор-ўқитувчилари томонидан масофадан он-лайн машғулотлар ва асосан амалий машғулотлар ташкиллаштирилиши таъкидланди, деб хабар беради Миллий гвардия матбуот хизмати.
