Футбол бўйича Ўзбекистон миллий жамоаси ноябрь ойидаги ФИФА кунларида Дубайда бўлиб ўтадиган халқаро ўртоқлик турнирида қатнашиши расман эълон қилинди.
Мусобақада Жаҳон чемпионатида иштирок этадиган тўрт миллий жамоа — Ўзбекистон, Эрон, Миср ва Кабо-Верде ўзаро куч синашади.
Ўзбекистоннинг дастлабки рақиби Миср миллий жамоаси бўлади. Учрашув 14 ноябрь куни ўтказилади. Ғолиб жамоа турнир финалида ўйнайди.
Барча ўйинлар Тошкент вақти билан соат 22:00 да бошланади.
Қатарда бўлиб ўтаётган U-17 жаҳон чемпионатида Ўзбекистон ўсмирлар терма жамоаси бугун, 11 ноябрь куни, гуруҳ босқичининг 3-турида Панама жамоасига қарши баҳс олиб боради. Учрашув Тошкент вақти билан соат 18:30 да старт олади.
Бугун, 8 ноябрь куни Қатарнинг Доҳа шаҳрида 17 ёшгача бўлган футболчилар ўртасидаги жаҳон чемпионати “J” гуруҳи 2-тури доирасида Ўзбекистон ўсмирлар терма жамоаси Ирландияга қарши майдонга тушди.
