Championat.asia сайти маълумотига кўра, футбол бўйича Ўзбекистон миллий терма жамоаси ноябрь ойида Уругвай терма жамоасига қарши иккита ўртоқлик учрашуви ўтказади.
1930 ва 1950 йилги Жаҳон чемпиони ҳисобланган Уругвайга қарши баҳслардан бири Тошкентда бўлиб ўтиши режалаштирилмоқда. Иккинчи ўйин эса Осиё қитъасида ўтади.
Эслатиб ўтамиз, Ўзбекистон бунга қадар икки марта Уругвайга қарши ўртоқлик ўйини ўтказган ва бир хил 0:3 ҳисобларида мағлуб бўлган. Биринчи тарихий баҳс 2018 йил Монтевидеода ўтган бўлса, иккинчи тўқнашув 2019 йил Хитой мамлакатида содир бўлган.
