Оғир атлетика бўйича Ўзбекистон миллий терма жамоаси аъзолари Украинада янги спорт мавсумининг дастлабки ўқув-машғулотлар йиғинига киришди.
Баҳром Мендибоев бошчилигида полвонларимиз 3 ҳафта давомида Украинанинг Каменец-Подольский шаҳрида машғулотлар олиб боришади. Сўнгра машғулотлар Туркияга кўчирилиши режалаштирилган.
Ушбу йиғинлар оғир атлетикачиларимиз учун апрель ойида Тошкентда ўтказиладиган Токио олимпиадасига йўлланмалар тақдим этувчи лицензион мусобақа - Осиё чемпионатига тайёргарлик вазифасини ўтайди.
Нигерияда ноодатий жаҳон рекордини ўрнатилди. 17 ёшли Филипп Соломон ярим дақиқада бир оёғида сакрагичда 153 марта сакрашни амалга оширди. Тегишли видео ижтимоий тармоқларда жойланди.
Ғузор туманида Спортни ривожлантириш вазирлиги, Республика енгил атлетика федерацияси, вилоят ва туман ҳокимлиги ҳамда Ёшлар ишлари агентлиги ҳамкорлигида "SAVE Aral" (Оролни қутқарамиз) шиори остида оммавий югуриш марафони ўтказилди.
